Sadaa Baithe Rahein Bistar Laga Kar Un Ke Kuchay Main

سدا بیٹھےرہیں بسترلگاکر ان کے کوچے میں نہ سوچیں واپسی کی راہ جا کراُن کےکوچےمیں

نہ کوئی آرزو آۓگی لب پر پھر دعا بن کر ہمیں چھوٹا ساگھرمولاعطاکران کے کوچےمیں

خدا انوار و رحمت کے خزینےکھول دیتا ہے خطاکاروں فقیروں کو بلا کراُن کےکوچے میں

صدا کرنی درِمحبوب پر اچھی نہیں لگتی فقط مانگو نظراپنی جھکاکراُن کےکوچےمیں

ہزاروں تاجور لاکھوں سکندرہم نے دیکھےہیں پڑے ہیں دل کےدامن کو بچھا کراُن کےکوچےمیں

درِ محبوب سے انوار کی خیرات لینے کو نگاہوں کےچلوکاسے بنا کر اُن کے کوچے میں

مری بےتاب حسرت کو قرار آجاۓ گا ناصرؔ ہوا لےجاۓ گرمجھ کو اڑاکران کےکوچےمیں