Rue Badar ul Duja Dekhte Reh Gaye

روۓ بدرالدجیٰ دیکھتے رہ گۓ چہرہ والضحیٰ دیکھتے رہ گۓ

حسنِ خیر الوریٰ میں خدا کی قسم ہم جمالِ خدا دیکھتے رہ گۓ

ہم گنہگار پہنچے درِ پاک پر زاہد و پارسا دیکھتے رہ گۓ

در پہ بلوا کے داتا نے جھولی بھری یہ عطا پر عطا دیکھتے رہ گۓ

کوۓ طیبہ میں حیرت سے اہلِ سخا شہہ کی جود و سخا دیکھتے رہ گۓ

وہ ہوا لطف پیہم کہ صلِ علیٰ عاصی وپر خطا دیکھتے رہ گۓ

چاند دو ٹکڑےہو کر تصدق ہوا دشمنِ مصطفیٰ دیکھتے رہ گۓ

جالیوں کے قریں بیٹھ کر وجد میں نورِ حق کی ضیاء دیکھتے رہ گۓ

رک کے سدرہ کی منزل پہ روح الامیں رفعتِ مصطفیٰ دیکھتے رہ گۓ

جو سکندر ہوا اُن کے دربار سے وہ کرم وہ عطا دیکھتے رہ گۓ