Rehmat Ki Bheek Syed Abrar Chahiye

رحمت کی بھیک سید ابرار چاہیے منگتےکو اور کچھ نہیں سرکار چاہیے

جی چاہتا ہے میں رہوں قدموں میں آپکے مجھ کو دیارِ پاک میں گھر بار چاہیے

دنیا سے واسطہ ہے نہ عقبیٰ سے کچھ غرض چشمِ کرم بس آپ کی سرکار چاہیے

چارہ گروں سےہو نہ سکا جب علاج غم بولے اسے فقط نبی غمخوار چاہیے

گر چاہتے ہو پیارسے دیکھے تمہیں خدا اللہ کے حبیب سے بس پیار چاہیے

دنیا کے مال و زر کا سوالی نہیں ہوں میں مجھ کو حضور دولتِ دیدار چاہیے

پڑھتا رہے درود وہ ذاتِ رسول پر محشر میں جس کو قربتِ سرکار چاہیے

آقا یہ التجاۓ نیازیؔ ہے دم بدم پیشِ نظر حضور کا دربار چاہیے