Rehmat Ki Barsatein Darbar e Muhammad

رحمت کی برساتیں دربار محمد ﷺ میں بنتی ہیں سب باتیں دربار محمد ﷺ میں

سب عاصیوں کو یارو بخشش کی شفاعت کی ملتی ہیں سوغاتیں دربارِ محمد ﷺ میں

دربارِ محمد ﷺ کا ہر دن ہے نورانی نورانی سب راتیں دربارِ محمد ﷺ میں

ارمان میرے دل میں یہ مچلتا رہتا ہے میں جا کے پڑھوں نعتیں دربارِ محمد ﷺ میں

ہے عرشِ معلیٰ سے انوار و تجلیٰ کی سدا ہوتی ہیں برساتیں دربارِمحمدﷺ میں

قسمت وہ جگاتا ہے رحمت وہ پاتا ہے جو جا کےپڑھےنعتیں دربارِ محمدﷺ میں

نہیں پوچھی جاتی ہیں کبھی بھی اے ثاقبؔ کسی بندے سے بھی ذاتیں دربارِ محمدﷺ میں