Na Dolat Na Maal

نہ دولت نہ مال اور خَزینے کی باتیں سناؤ ہمیں بس مدینے کی باتیں

No Internet? No Problem! Get the App for Offline Lyrics!

مدینے کی باتیں سناؤ کہ ہیں یہ مریضِ محبت کے جینے کی باتیں

مُقَدَّس ہیں دیگر مہینے بھی لیکن نِرالی ہیں حج کے مہینے کی باتیں

سناؤ نہ پیرس کے قصّے، سناؤ مدینے کے پیارے سفینے کی باتیں

نہ کر مُشک و عنبر کی باتیں ، بیاں کر نبی کے مُعَطَّر پسینے کی باتیں

مِری یاوَہ گوئی کی عادت نکالو کروں میں ہمیشہ قرینے کی باتیں

فُضول اور بیکار باتوں کے بدلے کروں کاش! ہر دم مدینے کی باتیں

گوگرمی میں مشروب ٹھنڈاہے مرغوب کرو جام آقا سے پینے کی باتیں

شہا میرا! سینہ مدینہ بنادو خیالوں میں ہوں بس مدینے کی باتیں

بنے کاش! عطارؔ ایسا مبلّغ مُؤثِّر ہوں آقا کمینے کی باتیں