Mujh Ko Tauseef e Payambar

مجھ کو توصیفِ پیمبرؐ پہ مقرر رکھا نعت کی لَو سے مرا قلب منور رکھا

نعتِ سیدِ لولاکؐ جو پَل سے گزرا پَل پہ جبریل نے کس شوق سے شبیر رکھا

چمنِ نعت کی پُرکیف ہوا سے حق نے میرے ہر نخلِ تمنا کو مثمر رکھا

چھوڑتے وقت یہ دنیاۓ مکدر ہم نے ذکرِ حق ذکرِ نبی لب پہ برابر رکھا

حشر میں اس کی پذیرائی ہوئی جس نے بھی جز ترے اور کوئی نام نہ ازیر رکھا

دولتِ عشقِ نبیؐ بخش کے دیوانے کو طالب شبر و شبیر و مبشر رکھا

لے کے وعدۃ بلیٰ مجھ سے، مری روح کے بیچ اپنے محبوب کی توصیف کا جوہر رکھا

میرے حصے میں جہاں بھر کی سعادت آئی میرے خالق نے مجھے ایک ہی در پر رکھا

زلفِ حضرت کے تصور میں ہمیشہ ناظم میں نے گلہاۓ مؤدت کو معطر رکھا