Mere Nabi Pyare Nabi

میرے نبی پیارے نبی ہے مرتبہ بالا تیرا جس جا کوئی پہنچا نہیں دیکھا وہاں تلوا تیرا

یا سرورِ دنیا ودیں تجھ سا نبی کوئی نہیں بعد از خدا ماہِ مبیں ثانی نہیں واللہ تیرا

تیرا سراپا یا نبی تفسیر ہے قرآن کی واللیل مُو طہٰ جبیں والشمس ہے چہرہ تیرا

Your Lyrics, Even Offline - Install the App for Free!

سرکش جوتھے مائل ہوۓ دشمن جوتھے قائل ہوۓ مسحور کن تھا کس قدر یا مصطفیٰ لہجہ تیرا

رحمت تھی پورےجوش پرمیں بھی نہ تھا کچھ بےخبر تجھکو تجھی سے مانگ کر اچھا رہا منگتا تیرا

خیرات دیتا ہے خدا ہروقت تیرے نام کی جس کو ملا جو کچھ ملا جتنا ملا صدقہ تیرا

جاۓ کہاں یہ بےنوا در چھوڑ کرتیرا شاہا دردر پہ وہ جاتا نہیں جس نے بھی در دیکھا تیرا

یا مصطفیٰ یا مجتبیٰ بھر دیجۓکاسہ میرا کردو کرم رکھ لو بھرم سائل ہوں میں داتا تیرا

اے وارثِ ارض وسما چشمِ کرم بر حال ما دیکھے نیازیؔ پھر شاہا وہ گنبدِ خضریٰ تیرا