Mera Payamber Azeem Tar Hai

مِرا پیمبر ﷺ عظیم تر ہے کمال خلاق ذات اس کی جمالِ ہستی حیات اس کی بشر نہیں عظمتِ نشر ہے مِرا پیمبر ﷺ عظیم تر ہے

وہ شرح احکام حق تعالیٰ وہ خود ہی قانون خود حوالہ وہ خود ہی قرآن خود ہی قاری وہ آپ مہتاب، آپ ہالہ وہ عکس بھی اور آئینہ بھی وہ نقطہ بھی، خط بھی، دائرہ بھی وہ خود نظارہ ہے خون نظر ہے مِرا پیمبر ﷺ عظیم تر ہے

شعور لایا کتاب لایا وہ حشر تک کا نصاب لایا دیا بھی کامل نظام اس نے اور آپ ہئ انقلاب لایا

وہ علم کی اور عمل کی حد بھی ازل بھی اس کا ہے اور ابد بھی وہ ہر زمانے کا راہبر ہے مرا پیمبرﷺ عظیم تر ہے

وہ آدمؑ و نوحؑ سے زیادہ بلند ہمت بلند ارادہ وہ زہد عیسیؑ سے کوسوں آگے جو سب کی منزل وہ اس کا جادو ہر اک پیمبر نہاں ہے اس میں ہجوم پیغمبراں ہے اس میں وہ جس طرف ہے خدا ادھر ہے میرا پیمبرﷺ عظیم تر ہے

بس ایک مشکیزہ اک چٹائی ذرا سے جو، ایک چارپائی بدن پہ کپڑے بھی واجبی سے نہ خوش لباسی نی خوش قبائی یہی ہے کل کائنات جس کی گئی نہ جائیں صفات جس کی وہی تو سلطان بحر و بر ہے مرا پیمبرﷺ عظیم تر ہے