Mein Ke Har Sahib Eman

میں کہ ہر صاحب ایمان کے قدموں کی خاک آپؐ تک آیا ہوں پہچان کے قدموں کی خاک

عمر کی حیدر کرار کی خاکِ کفِ پا میں ابوبکر کے عثمان کے قدموں کی خاک

چاند، سورج مرے سلطانؐ کے پاپوش کی گرد یہ ستارے مرے سلطانؐ کے قدموں کی خاک

میرا دامانِ عقیدت بھی مدینہ ہے جہاں جا بجا ہے میرے مہمانؐ کے قدموں کی خاک

آپؐ کی نعت کا حق مجھ سے ادا ہو کیسے میں کہ بوصیری و حسّان کے قدموں کی خاک

ذرے ذرے میں کئی راز چھُپاۓ ہوۓ ہے آپؐ کی نافۃ ذی شان کے قدموں کی خاک

No More Screenshots! Save Storage with Our Lyrics App!

یوں کیا صاحب معراج کی عظمت کو سلام کہکشاں بن گئی انسان کے قدموں کی خاک

ذرے ذرے پہ رقم ہے اسی منزل کا پتہ رو نما صاحب عرفان کے قدموں کی خاک