Mangte Hain Karam Un Ka

منگتے ہیں کرم اُن کا سدا مانگ رہے ہیں دن رات مدینے کی دعا مانگ رہے ہیں

ہر نعمتِ کونین ہے دامن میں تمہارے ہم صدقہء محبوب خدا مانگ رہے ہیں

یوں کھو گۓ سرکار کے الطاف و کرم میں یہ بھی نہیں ہوش کہ کیا مانگ رہے ہیں

اسرار کرم کے فقط ان پر ہی کھلے ہیں جو تیرے وسیلے سے دعا مانگ رہے ہیں

سرکار کا صدقہ میرے سرکار کا صدقہ محتاج و غنی شاہ و گدا مانگ رہے ہیں

یہ مان لیا ہے کہ تیرا درد ہے درماں طالب ہیں شفا کے نہ دوا مانگ رہے ہیں

ہم کو بھی ملے دولتِ دیدار کا صدقہ دیدار کی جرات بھی شہا مانگ رہے ہیں

سرکار سے سرکار کو مانگا نہیں جاتا اتنی بڑی سرکار سے کیا مانگ رہے ہیں