Main Sadqay Ya Rasool Allah

میں صدقے یا رسول اللہﷺ میں صدقے یا رسول اللہﷺ کیا شان ہے کیا مرتبہ میں صدقے یا رسول اللہﷺ

بحرِ ظلمت میں ڈوبوں کو آپ بچانے آۓ بھولے ہوۓ انسان کی نّیا پار لگانے آۓ ہیں آپ سب کےناخدا میں صدقے یا رسول اللہﷺ

صدیق اکبر نے سن کر شاہِ امم کا فرماں گھر میں اک ذرہّ نہ چھوڑا لاۓ سارا ساماں بولےمیری جاں بھی ہے فدا میں صدقے یا رسول اللہﷺ

دل میں تھا کچھ اور ارادہ نکلے عمر جب گھر سے آیاتِ قرآن سنی تو آنسو آنکھ سے برسے بولے عمر بے ساختہ میں صدقے یا رسول اللہﷺ

Download Lyrics & Access Offline - Install Our App Now!

ذوالنورین لقب تھا جن کا وہ عثمان غنی تھے بول رہا ہے سارا زمانہ قسمت کے وہ دھنی تھے جب تک جۓ لب پہ رہا میں صدقے یا رسول اللہﷺ

دینِ حق کی دعوت دی جو میرے پیارے نبی نے جوڑ دیا اسلام سے رشتہ بڑھ کے مولا علی نے کہتے تھے یہ مشکل کشا میں صدقے یا رسول اللہﷺ

ہے ایمان نبی کا نعرہ جن کو جان سے پیارا غم کا ہے اس کا مقدر عرشِ بریں کا تارا نعرہ لگاؤ یہ سدا میں صدقے یا رسول اللہﷺ

پاکپتن کے والی ہوں یا ہوں لاہور کے داتا آپ کےدر کےٹکڑوں سےہےہرایک ولی کا ناتا ہےیہ صداۓ اولیاء میں صدقے یا رسول اللہﷺ

پڑھتےہیں مہرانؔ جو نعتیں بھاگ جگا لیتے ہیں اُن کی محبت کے سِکوں سے رب کی رضا لیتے ہیں خوش بخت میں بھی ہوگیا میں صدقے یا رسول اللہﷺ