Madine Ka Manzar Mere Samne Hai

میں کیسے نہ مچلوں میں کیسے نہ جھوموں مدینے کا منظر میرے سامنے ہے جو خوابوں خیالوں میں بستا تھا میرے وہ تعبیر بن کر میرے سامنے ہے

دل وجاں کا کعبہ جو میں نے بنایا خدا نے مجھے وہ حسیں در دکھایا مجھے اب نہیں ہے مقدرسے شکوہ مرا تو مقدر میرے سامنے ہے

خوشی سے کریں کیوں نہ جزبات مجرا کہ ہے روبرو میرے آقا کا حجرہ کہاں آتا جاتا تھا روح الامیں بھی محمدﷺ کا وہ گھر میرے سامنے ہے

More Lyrics, Less Storage - Install the App and Ditch the Screenshots!

جہاں تاجور بن کے آئیں سوالی جہاں گونجتی تھی اذانِ بلالی جہاں آپ دیتےتھے خطبات اکثروہ مسجد وہ منبر میرے سامنے ہے

تصور میں آئیں وہ صدیوں کی باتیں وہ فخردوعالم کےدن اور راتیں مجھےلگ رہا ہے تصورمیں جیسےرسولوں کا افسر میرے سامنے ہے

جو وقتِ سحرمیں نے قرآں کو کھولا جو میں نے عقیدت کی آنکھوں سے دیکھا مجھے یوں لگا اس کی سطروں کے پیچھے وہ زلفِ معنبر میرے سامنے ہے

کھڑا ہوں میں ناصرؔ درِ مصطفیٰ پر کے کتنا کرم مصطفیٰ کا گدا پر چمک جس سے پائی ہے شمس و قمرنے وہ مہرِمنور میرے سامنے ہے