Khuda Ki Wusatein kiya hain

خدا کی وسعتیں کیا ہیں امام الانبیاء جانے نبی کی رفعتیں کیا ہیں فقط رب العلیٰ جانے

بجز آقا کوئی مشکل کشائی کر نہیں سکتا انہی کو حشر میں ہرامتی مشکل کشا جانے

خدا کی راہ میں جو کچھ بھی تھا وہ سب لٹا ڈالا شہادت کی حقیقت کو شہیدِ کربلا جانے

Offline Lyrics Anytime, Anywhere - Download the App Today!

کرم سرکار کا ویسے تو ہے سارے زمانے میں عطاۓ مصطفیٰ کیا ہے مدینے کا گدا جانے

شبِ معراج جب مولا سے ملنے کو گۓ آقا خدا سے کیا ہوئیں باتیں نبی جانے خدا جانے

میں بیمارِ محمد ﷺ ہوں مجھے طیبہ میں لے جاؤ میرا مرضِ محبت ہے کوئی چارہ ساز کیا جانے

دمِ آخر مجھے کلمہ محمد ﷺ کا پڑھا دینا کہاں لے جاۓ پھر مجھ کو قضا جانے خدا جانے

نبی کے عشق سے روح کو منور کرلے اے عابدؔ کہ کب آُڑ جاۓ تیری روح کا پنچھی خدا جانے