Khuda Karta Hai Nazil Rehmatein

خدا کرتا ہے نازل رحمتیں اُن مدح خوانوں پر رہا کرتے ہیں اوصاف نبیؐ جن کی زبانوں پر

کرم ہے خسرو بے مثل کا دونوں جہانوں پر کہ قامت ہے زمیں پر اور سایہ آسمانوں پر

کلام اللہ سُن کر ہو گۓ اہلِ عرب گونگے لگا دی مہر امی نے فصیحوں کی زبانوں پر

Your Lyrics, Even Offline - Install the App for Free!

تمہاری نعت کے بدلے ہزاروں نعمتیں پائیں ہزاروں شکر واجب ہیں تمہارے نعت خوانوں پر

بتا اے دامنِ کوہِ احد کیا تجھ میں اب بھی ہیں وہ بچے جو خوشی سے کھیلتے تھے اپنی جانوں پر

اٹھا کر ساغرِ مے اپنی ہاتوں سے پلاتا ہے مرے ساقی کی وہ رحمت ہے جامیؔ ناتوانوں پر