Khoob Se Khoob Madine Ka Safar

خوب سے خوب مدینے کاسفر لگتا ہے ذرہ اُن راہوں کا بھی رشکِ قمر لگتا ہے

قافلے آتے ہیں ہر وقت بہاروں کے یہاں سچ کہو کیسا محمدﷺ کا نگر لگتا ہے

محفلِ نعتِ نبی سجتی ہے جس بھی گھر میں برکتوں رحمتوں والا وہی گھر لگتا ہے

یادِ محبوب میں لکوں پہ سجے ہیں جو بھی چشمِ عشاق کا وہ آنسو گہر لگتا ہے

چہرۃ والشمس نبی کا ہے تو زلفیں واللیل پیکرِ نور مرے رب کا ہنر لگتا ہے

اللہ اللہ وہ دربارِ نبی کی عظمت نور کا میلہ جہاں شام وسحر لگتا ہے

Why Screenshot When You Can Download? Get the App for Efficient Storage!

پیار کرتا ہے نیازیؔ جو زمانہ مجھ کو یہ میری ماں کی دعاؤں کا اثر لگتا ہے