Kabhi Us Shakhs Ke Aibon Ka Charcha Ho Nahi Sakta

کبھی اس شخص کے عیبوں کا چرچا ہو نہیں سکتا بھرم جس کا نبی رکھیں وہ رسوا ہو نہیں سکتا

وہی ہے صاحب ایماں جو یہ ایمان رکھتا ہے بغیر عشقِ نبی دل میں اجالا ہو نہیں سکتا

حسین و مہہ جبین و نازنین یوں تو بہت سے ہیں مگر کوئی مرے سرکار جیسا ہو نہیں سکتا

غلامِ مصطفیٰ کی ٹھوکروں میں ہے شہنشاہی غلامی کے عوض شاہی کا سودا ہو نہیں سکتا

نبی کے چاہنے والوں کے دامن سے ہوں وابستہ قسم ہے قبر میں میری اندھیرا ہو نہیں سکتا

مدینے میں پہنچ کر کوئی سائل نامراد آۓ میرے سرکار کو ہرگز گوارا ہو نہیں سکتا

No More Screenshots! Save Storage with Our Lyrics App!

شبِ معراج یہ حق نے کہا محبوب سے اپنے نہیں ہے جو تمہارا وہ ہمارا ہو نہیں سکتا

علیمؔ اُن کا کرم بڑھ کر جیسےآغوش میں لے لے اٹھاۓ غیر کے احساں وہ منگتا ہو نہیں سکتا