Ism e Muhammad Lab Pe Aya

اسم محمد لب پہ آیا ، نعت ہوئی آقا نے یوں بھاگ جگایا ، نعت ہوئی

سانس معطر ہوگیاجب بھی پڑھا درود یاد نے ان کی خوب رلایا ، نعت ہوئی

خوش بختی ہے،حب۔ رسول اکرم کا قریہء دل میں دیپ جلایا، نعت ہوئی

جھومتے جھومتے قدموں میں اشجار آئے کنکریوں سے کلمہ پڑھایا ، نعت ہوئی

چاند کو ایک اشارے سے دو ٹکڑے کیا ڈوبتے سورج کو لوٹایا ، نعت ہوئی

دل کی حسرت جونہی پلکوں پر آئی خیر طلب سے بڑھ کر پایا ، نعت ہوئی

اللہ کے محبوب کریم سے بخشش کے شہر کرم سے گوہر لایا ، نعت ہوئی

جاں سے بڑھکر قیمتی ہے جو پاس مرے نسبت۔ حضرت کا سرمایہ ، نعت ہوئی

طیبہ میں آئے تو طلع البدر کا گیت بچیوں نے جب مل کر گایا، نعت ہوئی

بخت رسا حسان کا دیکھو ، آقا نے منبر پر خود آپ بٹھایا ، نعت ہوئی

چادر رحمت بوصیری کو دے کے کہا خوب قصیدہ دل کو بھایا، نعت ہوئی

صل اللہ علیہ و سلم پڑھ کر خوب بھیج کےسمجھو نور ہدایا، نعت ہوئی

سدرہ نہیں، بس اوادنی' کی بات کرو عرش۔ بریں پہ جب بلوایا ، نعت ہوئی

دے کے تائب ایک سلیقہ کہنے کا جذب وکیف و شوق بڑھایا، نعت ہوئی