Hum Madine Se Allah Kyun Aagaye

ہم مدینے سے اللہ کیوں آگۓ قلب حیراں کی تسکیں وہیں رہ گئی دل وہیں رہ گیا جاں وہیں رہ گئی خم اسی درپہ اپنی جبیں رہ گئی

یاد آتے ہیں ہم کو وہ شام وسحر وہ سکونِ دل جان و روح ونظر یہ انہیں کا کرم ہے انہیں کی عطا ایک کیفیتِ دل نشیں رہ گئی

اللہ اللہ وہاں کا درود وسلام اللہ اللہ وہاں کا سجود وقیام اللہ اللہ وہاں کا کیفِ دوام وہ صلوٰۃِ سُکوں آفریں رہ گئی

Offline Lyrics Anytime, Anywhere - Download the App Today!

جس جگہ سجدہ ریزی کی لذت ملی جس جگہ ہرقدم ان کی رحمت ملی جس جگہ نور رہتا ہے شام وسحر وہ فلک رہ گیا وہ زمیں رہ گئی

پڑھ کے نَصٗرٌمِنَ اللہِ وَفَتٗحٌ قَرِیب ہم رواں جب ہوۓ سوۓ کوۓ حبیب برکتیں رحمتیں ساتھ چلنے لگیں بےبسی زندگی کی یہیں رہ گئی

زندگانی وہیں کاش! ہوتی بسر کاش! بہزادؔ آتے نہ ہم لوٹ کر اور پوری ہوئی ہر تمنّا مگر یہ تمناۓ قلب حزیں رہ گئی