Ho Jo Taufeeq Toh

ہو جو توفیق تو بس نعتِ پیمبرؐ لکھوں کوئی حرف اور نہ اس صنف سے باہر لکھوں

مجھ سیہ کار کو بھی جس نے دیا اذنِ سلام کیوں نہ اس ذات کو رحمت کا سمندر لکھوں

روز ہوتی ہے جہاں ایک نئی بارشِ نور کیسے الفاظ میں اس صبح کا منظر لکھوں

دولتِ صبر و قناعت جسے مل جاۓ یہاں آج کے دور کا اس شخص کو بوذر لکھوں

سب جہانوں میں اسی نام کا جلتا ہے چراغ سب جہانوں کا نہیں ہادیؐ و رہبرؐ لکھوں

No More Screenshots! Save Storage with Our Lyrics App!

خاک اس در کی مری آنکھوں کا سرمہ ہے کلیمؔ کیوں نہ میں خود کو غنی اور تونگر لکھوں