Har Peghambar Ka Ohda Bara Hai Lekin Aaqa Ka Mansab Juda Hai

ہر پیغمبر کا عہدہ بڑا ہے لیکن آقا کا منصب جدا ہے وہ امامِ صفِ انبیاء ہیں اُن کا رتبہ بڑوں سے بڑا ہے

کوئی لفظوں میں کیسے بتا دے اُن کے رتبے کی حد ہے تو کیا ہے ہم نے اپنے بڑوں سے سنا ہے صرف اللہ اُن سے بڑا ہے

نام جنت کا تم نے سنا ہے میں نے اس کا نظارا کیا ہے میں یہاں سے تمہیں کیا بتا دوں ان کی نگری کی گلیوں میں کیا ہے

کتنا پیارا ہے موسم وہاں کا کتنی پر کیف ساری فضا ہے میرے ساتھ خودچل کےدیکھوگردِ طیبہ بھی خاکِ شفا ہے

مستقل ان کی چوکھٹ عطا ہو میرے معبود یہ التجا ہے کوئی پوچھے تو یہ کہہ سکوں میں بابِ جبریل میرا پتہ ہے

وہ جو اک شہرنورالہدی ہے جلوہ گاہوں کا اک سلسلہ ہے جس کی ہرشام شمس الضحیٰ ہے جس کی ہرشام بدرالدجیٰ ہے