Gulzar e Madina Saly Ala

گلزارِمدینہ صلِ علیٰ رحمت کی گھٹا سبحان اللہ پُرنور فضا ماشاء اللہ پر کیف ہوا سبحان اللہ

اُس زلف معنبر کو چھو کر مہکاتی ہوئی اتراتی ہوئی لائی ہے پیام تازہ کوئی، آئی ہے صبا سبحان اللہ

معراج کی شب کا سفر افلاک کی رونق سر تا سر مہتاب کی صورت روشن ہے نقشِ پا سبحان اللہ

Why Screenshot When You Can Download? Get the App for Efficient Storage!

جب بہرِ شفاعت محشر میں سرکار کا شہرہ عام ہوا اک لہر خوشی کی دوڑ گئی، امت نے کہا سبحان اللہ

ہونٹوں پہ تبسم کی موجیں، ہاتھوں میں لیے جامِ رحمت کوثر کے کنارے وہ اُن کا اندازِ عطا سبحان اللہ

کہنے کوتونعتیں سب نے کہا، یہ نعت نصیر آفاقی ہے کتھےمہرعلی کتھےتیری ثناء، کیا خوب کہا سبحان اللہ