Gham Se Humein Bachaye Ga

غم سے ہمیں بچاۓ گا میلاد آپؐ کا رحمت خدا کی لاۓ گا میلاد آپؐ کا

No Internet? No Problem! Get the App for Offline Lyrics!

سویا ہے جو بھی اوڑھ کے چادر گناہ کی آکر اسے جگاۓ گا میلاد آپؐ کا

قربت اسے ملے گی یقیناً حضور کی دل سے اگر مناۓ میلاد آپؐ کا

آۓ گا ماہِ پاک ولادت تو یہ حقیر اک اک گلی سجاۓ گا میلاد آپؐ کا

اس کے لۓ دعائیں کریں گے ملائکہ جو شخص بھی مناۓ گا میلاد آپؐ کا

ہر دل میں ہم سجائیں گے محفل رسول کی واعظ ہمیں سناۓ گا میلاد آپؐ کا

اکرمؔ یقین ہے مجھے اس سال بھی ضرور ہر امتی مناۓ گا میلاد آپؐ کا