Dilon Mein Ho Ke Guzarta Hua

دلوں سے ہوکے گزرتا ہوا مدینے کو نظر سے جاتا ہے اک راستہ مدینہ کو

میں اس کے ساتھ تصور میں چلتا جاتا ہوں روانہ ہوتا ہے جو قافلہ مدینے کو

ہزار حسرت و ارماں کے ساتھ دیکھتا ہے مری نگاہ کا ہر زاویہ مدینے کو

بدن کا دشت سُلگتا تھا ایک مدت سے میں کہہ کے رو پڑا کالی گھٹا مدینے کو

مجھے سکون کی دولت نصیب ہوتی ہے میں بھیجتا ہوں جو کوئی دعا مدینے کو

خیال و خواب میں دل میں نگاہ میں نصرتؔ سجاۓ پھرتا ہوں میں جا بجا مدینے کو