Dil Mein Agar Khuda Hai

دل میں اگر خدا ہے رسولؐ خدا بھی ہے کعبہ نظر میں ہے تو درِ مصطفیٰؐ بھی ہے

قرآن کہہ رہا ہے کہ گھبرایۓ نہیں اس خار زار زیست میں اک رہنما بھی ہے

اُنؐ پر درود پاک پڑھا جاۓ رات دن جس میں گناہ گاروں کا اپنا بھلا بھی ہے

اللہ کے ساتھ اُن کی اطاعت بھی فرض ہے جو آپؐ کی رضا ہے خدا کی رضا بھی ہے

در در کی خاک چھاننے والو بتاؤ تو اُن کے علاوہ اپنا کوئی آسرا بھی ہے

لوگوں نے خواہشات کو مذہب بنا لیا یہ بھول کر کہ یومِ جزا و سزا بھی ہے

کتنا عروج پایا عرب کی زمین نے آبِ حیات بھی جہاں خاکِ شفا بھی ہے