Chand Sooraj Ki Bhala

چاند سورج کی بھلا اس کو ضرورت کیا ہے میرے آقاؐ کے لیے لفظِ عقیدت کیا ہے

پھول بے چین ہیں راہوں میں بکھرنے کے لیے تتلیاں پوچھتی پھرتی ہیں عبادت کیا ہے

اس کے پاؤں سے لہو رستا ہے دیکھو تو ذرا پھر بھی وہ سب کو دعا دیتا ہے عظمت کیا ہے

ہم نہ کر پاۓ کبھی آپؐ کے فرماں پہ عمل ورنہ امت کے لیے حرفِ ندامت کیا ہے

Instant Access to Thousands of Lyrics - Tap to Install!

چاند ہو تارے ہوں اشجار ہوں یا ہم انساں ذرہ ذرہ ہے گواہ اس کا شہادت کیا ہے

چاہے وہ عرش پہ جاۓ کہ مدینے میں رہے دنیا والو! تمہیں اس بات پہ حیرت کیا ہے

جو کہا رب نے، ہوا اس کے عمل می ظاہر خود ہے وہ اس کی رضا، بارِ امانت کیا ہے

چار سو مکہ، مدینہ کی فضا میں زیبی پیار ہی پیار ہے ہر سمت عنایت کیا ہے