Be Kason Ko Bhala Aur Kiya Chahiye

بے کسوں کو بھلا اور کیا چاہیے یا نبیؐ آپؐ کا آسرا چاہیے

بجھتی آنکھوں میں آجاۓ گی روشنی آپؐ کے در کی خاکِ شفا چاہیے

آپؐ کے نقشِ پا چومتا چل پڑے جس گنہگار کو بھی خدا چاہیے

میرے گھر میں اندھیروں نے قبضہ کیا آپؐ کے نام کا اک دیا چاہیے

دل میں آلِ نبیؐ کی محبت بھرو مومنو! گر خدا کی رضا چاہیے

گرم اشکوں سے جلتی ہیں آنکھیں مری ان کو دیدار خیر الوریٰ چاہیے

مٹتی جائیں گی ارشدؔ تری مشکلیں کملی والے کا بس راستہ چاہیے