We've added ads to help keep the platform running and improving for you. Learn More
بارِ عالم کچھ نہیں میرِؐ امم کے سامنے میرا غم کیا چیز ہے اُنکےؐ کرم کے سامنے
ٹل گیا وقتِ مصیبت جب پڑھا اُنؐ پر درود ڈھال بن کر آگیا یہ نام غم کے سامنے
لہلہا جائیں مرے ارماں کی ساکھی کھیتیاں اُن کا گنبد ہو جو میری چشمِ نم کے سامنے
ہے غلامی کا تقاضا، عاجزی کا اعتراف خم ہے سَر جو شاہؐ کے نقشِ قدم کے سامنے
سارے نغموں میں یہی ہئ نغمہءِ آفاق گیر خام ہے ہر لےَ اذاں کے زیروبم کے سامنے
یارسولؐ اللہ! اب نازش کو بلوا لیجۓ آپکی نعمتیں پڑھے بابِ حرم کے سامنے
