Aye Shama Rasalat Tere Parwane Hazaron Hain

اے شمع رسالت تیرے پروانے ہزاروں ہیں اک میں ہی نہیں تیرے دیوانے ہزاروں ہیں

اعجاز ہے یہ ساقیء کوثر کی نگاہوں کا میخوار ہزاروں ہیں مۓ خانے ہزاروں ہیں

ہو جن میں سدا آنا جانا میرے آقا کا اس دنیا میں ایسے بھی کاشانے ہزاروں ہیں

اس عالمِ ہستی میں کس کس کا گلہ کیجۓ اپنے بھی ہزاروں ہیں بیگانے ہزاروں ہیں

میخانہء طیبہ کے مۓ خواروں سے نسبت ہے میرے لیے پینے کو مے خانے ہزاروں ہیں

مجذوب ہوں مجنوں ہوں دیوانہ ہوں پاگل ہوں دو چار نہیں مرے تو افسانے ہزاروں ہیں

جو نامِ محمد ﷺ پر ہر چیز لٹاتے ہیں ایسے بھی تو دنیا میں دیوانے ہزاروں ہیں

دل چیز ہے کیا جاناں اک تیرے اشارے پر دینے کے لیے جاں کے نذرانے ہزاروں ہیں

No Internet? No Problem! Get the App for Offline Lyrics!

یہ سن کرہم آۓ نظروں سے پلاتے ہو ورنہ تو مرے شہر میں مے خانہ ہزاروں ہیں

جو مست رہیں ہر دم عشق شہِ بطحا میں اے یار نیازیؔ وہ مستانے ہزاروں ہیں