Aye Hawa

اے ہوا اے مدینے کی گلیوں سے آتے ہوئی خوش قدم نرم خو اور ٹھنڈی ہوا مجھ کو اتنا بتا کیسے صحرا ہیں جن میں محمدؐ کا ناقہ سفرمیں رہا کیسی گلیاں ہیں جن میں محمد کا نقشِ قدم ثبت تھا

اے ہوا اس کی شجر کی سنا کس کے سوکھے تنے پر محمدؐ کی کملی کا سایا پڑا تو وہ سرسبز شاداب ہوتا گیا اے ہوا مجھ کو اتنا بتا کتنے اونچے پہاڑوں کی صورت میں ہیں آج وہ سنگ ریزے جنہوں نے محمدؐ کے ہاتھوں سے گویائی لی

اے ہوا اے مدینے سے آتی ہوئی خوش قدم نرم خو اور ٹھنڈی ہوا مجھ کو اتنا بتا صرف اتنا بتا