Aye Ahmed e Mursal Noor e Khuda

اے احمدِ مرسل نورِ خدا تیری ذاتِ صفا کا کیا کہنا پڑھتے ہیں ملائک صلِ علیٰ تیری شانِ علیٰ کاکیا کہنا

چہرے پہ ہیں قرباں شمس وقمرزلفوں پہ تصدق شام وسحر رخساروں پہ ٹھہرے کس کی نظر تیرے منہ کی جلا کا کیا کہنا

والعصر ہے تیرے زماں کی قسم ولعمرک ہے تیری جاں کی قسم البلد ہے تیرے مکاں کا قسم تیرے رہنے کی جا کا کیا کہنا

کھایا نہ کبھی بھی جی بھر کر خود بھوکے رہے باندھے پتھر اوروں کو دیا جھولی بھربھرتیرے دستِ عطا کا کیا کہنا

سائل جو کبھی در پر آیا خالی نہ کبھی اُس کو پھیرا جو اُس نے مانگا وہ ہی دیا تیری جود و سخا کا کیا کہنا

Free Up Space - Get Lyrics Without Bulky Screenshots!

بد بخت جو تھے وہ نیک ہوۓ لڑتےتھے ہمیشہ جو ایک ہوۓ تونے جھگڑےسارے میٹ دیۓ تیرے فہم و ذکا کا کیا کہنا

صابرؔ سے کہاں ہو مدح تیری تیرے خلق میں ہے قرآن سبھی جب تیری ثناء اللہ نے کی پھر مجھ سے گدا کا کیا کہنا