Ashk Ankhoun Ko

اشک آنکھوں کو یہی بات بتانے آۓ قافلے طیبہ کو جانےکے زمانے آۓ

ہر طرف دھوم ہے سرکار کے مہمانوں کی راستے طیبہ کے جبریل سجانے آۓ

میں اسی آس پہ بیٹھا ہوں سرراہ گذر جانے کب بادِ صبا مجھ کو بلا نے آۓ

ان کی چوکھٹ پہ پڑا ہوں تو بڑی موج میں ہوں کہہ دو تقدیر کو مجھ کو نہ ستانے آۓ

ان کی چوکھٹ پہ جبیں رکھی ہے اس عزم کے ساتھ آۓ اب دست اجل مجھ کو اٹھانے آۓ

ہے فضا گوش بر آواز کہو واجد سے نعت سرکار کی محفل کو سنانے آۓ