Alvida Alvida Mah e Ramzan

قلب عاشق ہے اب پارہ پارہ الوَداع الوَداع ماہِ رمضاں کُلفَتِ ہجر و فرقت نے مارا الوَداع الوَداع ماہِ رمضاں

تیرے آنے سے دل خوش ہوا تھا اور ذوقِ عبادت بڑھا تھا آہ! اب دل پہ ہے غم کا غَلبہ الوَداع الوَداع ماہِ رمضاں

مسجدوں میں بہار آگئی تھی جوق در جوق آتے نمازی ہوگیا کم نمازوں کا جذبہ الوَداع الوَداع ماہِ رمضاں

بزمِ افطار سجتی تھی کیسی خوب سحری کی رونق بھی ہوتی سب سماں ہو گیا سُونا سُونا الوَداع الوَداع ماہِ رمضاں

تیرے دیوانے اب رو رہے ہیں مضطرب سب کےسب ہورہے ہیں ہاۓ اب وقتِ رخمت ہے آیا الوَداع الوَداع ماہِ رمضاں

یاد رمضاں کی تڑپا رہی ہے آنسوؤں کی جھڑی لگ گئی کہہ رہا ہے یہ ایک قطرہ الوَداع الوَداع ماہِ رمضاں

تم پہ لاکھوں سلام ماہِ رمضاں تم پہ لاکھوں سلام ماہِ غُفراں جاؤ حافظ خدا اب تمہارا الوَداع الوَداع ماہِ رمضاں

نیکیاں کچھ نہ ہم کر سکے ہیں آہ! عصیاں میں ہی دن کٹے ہیں ہاۓ ! غفلت میں تجھ کو گزارا الوَداع الوَداع ماہِ رمضاں

جب گزر جائیں گے ماہ گیارہ تیری آمد کا پھرشور ہوگا کیا مِری زندگی کا بھروسہ الوَداع الوَداع ماہِ رمضاں

ماہ رمضاں کی رنگیں ہواؤ! اے مُعَطر مُعنبٗر فضاؤ! لو سلام آخری اب ہمارا الوَداع الوَداع ماہِ رمضاں

کچھ نہ حسن عمل کر سکا ہوں نڈر چند اشک میں کررہا ہوں بس یہی ہے میرا کُل اثاثہ الوَداع الوَداع ماہِ رمضاں

سگِ عطار بدکار کاہل رہ گیا یہ عبادت سے غافل اس سے خوش ہوکے ہونا روانہ الوَداع الوَداع ماہِ رمضاں