Allah Allah Shahe Konain Jalalat Teri

اللہ اللہ شہہ کونین جلالت تیری فرش کیا عرش پہ جاری ہےحکومت تیری

جھولیاں کھول کےبےسمجھےنہیں دوڑآۓ ہمیں معلوم ہےدولت تیری عادت تیری

تیرے انداز یہ کہتےہیں کہ خالق کوترے سب حسینوں میں پسند آئی ہے صورت تیری

اُس نے حق دیکھ لیا جس نے ادھر دیکھ لیا کہہ رہی ہے یہ چمکتی ہوئی طلعت تیری

بزمِ محشر کونہ کیوں جاۓ بلاوا سب کو کہ زمانےکو دکھانی ہے وجاہت تیری

مجمع حشر میں گھبرائی ہوئی پھرتی ہے ڈھونڈنے نکلی ہے مجرم کو شفاعت تیری

چین پائیں گے تڑپتے ہوۓ دل محشر میں غم کسے یاد رہے دیکھ کے صورت تیری

ہم نے مانا کہ گناہوں کی نہیں حد لیکن تو ہے ان کا تو حسنؔ تیری ہے جنت تیری