Aj Sik Mitran Wi Dheeri Ae

اَج سِک مِتراں دی وَدھیری اے کیوں دلڑی اُداس گھنیری اے لُوں لُوں وچ شوق چنگیری اے اج نیناں لائیاں کیوں جھڑیاں

مُکھ چند بدر شعشانی اے متھے چمکے لاٹ نورانی اے کالی زلف تے اکھ مَستانی اے مخمور اکھیں ہِن مدبھریاں

اس صورت نوں میں جان آکھاں جاناں کہ جانِ جہان آکھاں سچ آکھاں تے رب دی شان آکھاں جس شان توں شاناں سب بنیاں

ایہناں سکدیاں تے کُرلاندیاں تے لکھ وار صدقے جاندیاں تے اُتے بردیاں مفت وِکاندیاں تے شالا وَت وی آون اوہ گھڑیاں

ایہہ صورت شالا پیشِ نظر رہے وقتِ نزع تے روزِ حشر وچ قبعدے پُل تے جد ہوسی گزر سب کھوٹیاں تھی سَن تد کھریاں

سُبحَانَ اللہ مَا اَجٗمَلَکَ مَا اَحٗسَنَکَ مَا اَکٗمَلَکَ کتھّے مہر علیؔ کتھّے تیری ثنا مشتاق اَکھیں کتھے جا لڑیاں