Aghaz e Naat Hum Ne Kiya

آغاز نعت ہم نے کیا اس دعا کے ساتھ مولا عطا ہو حمد کی دولت ثنا کے ساتھ

کیسا ملا ہے ہم کو یہ اعزاز دیکھیے ہم ہیں شریک عشقِ نبی میں خدا کے ساتھ

پہنچے جو بارگاہِ رسولِ انامؐ میں ہم نے بھی سرجھکا دیا قدر و قضا کے ساتھ

دل میں بساۓ شہرِ مدینہ کی آرزو ہم بےنوا بھی گرن سفر ہیں صبا کے ساتھ

Offline Lyrics Anytime, Anywhere - Download the App Today!

اللہ نے نبیؐ کی محبت کے باب میں مشروط کردیا ہے بقا کو فنا کے ساتھ

مخصوص تھی جو پاۓ رسالت مآبؐ سے وابستہ ہوگئی ہے وہ خوشبو حرا کے ساتھ

چلتا رہے یہ قافلۃ عشقِ مصطفیٰؐ پڑھتا رہوں درود میں بانگِ درا کے ساتھ