Aaqa Ka Dar Sakhi Hai Madine Main Ja Ke Dekh

آقا کا در سخی ہے مدینے میں جا کے دیکھ کر دیں گے مالا مال تو دامن بچھا کے دیکھ

ملتا ہے کیا نہیں وہاں سر کو جھکا کے دیکھ بابِ کرم کے سامنے آنسو بہا کے دیکھ

قسمت میں جو نہیں ہے تری وہ بھی پاۓ گا منگتے صدا نبی کی گلی میں لگا کے دیکھ

دے پنجتن کا واسطہ اور دیکھ لے کرم مت دیر کر تو ہاتھ دعا میں اٹھا کے دیکھ

Stop Wasting Storage - Download Lyrics in Lightweight Text Format!

نامِ حسن حسین پہ رکھ لیں گے آقا لاج یہ دونوں پیارے نام ہیں لب پرتو لا کے دیکھ

رحمت سے سب کی جھولیاں بھرتے حضور ہیں آواز دے رہا ہے مدینہ کہ آکے دیکھ

شہرِ نبی میں مانگ مقدر سے بھی سوا بادل برس رہےہیں نبی کی عطا کے دیکھ

اے میرے دل حضور کی نظر کرم ہے یہ ساۓ سمٹ رہے ہیں مری ہر خطا کے دیکھ

اشکوں سے حاضری کی دعا مانگ پھر کمالؔ در پہ تجھے ملے ہیں لمحے دعا کے دیکھ

سر کو قدم بنا کر مناسب ہے یہ کمالؔ آداب تو یہی ہے درِ مصطفٰی کے دیکھ