Aaj Ashk Mere Naat Sunayein

آج اشک مرے نعت سنائیں تو عجب کیا سن کر وہ مجھے پاس بلائیں تو عجب کیا

دیدار کے قابل تو کہا میری نظر ہے لیکن وہ کبھی خواب میں آئیں تو عجب کیا

حاصل جنہیں آقا کی غلامی کا شرف ہے ٹھوکر سے وہ مُردوں کو جلائیں تو عجب کیا

More Lyrics, Less Storage - Install the App and Ditch the Screenshots!

منہ ڈھانپ کے رکھنا کہ گنہگار بہت ہوں میت کو میری دیکھنے آئیں تو عجب کیا

نہ زادِ سفر ہے نہ کوئی کام بھلے ہیں لیکن مجھے سرکار بلائیں تو عجب کیا

وہ حسنِ دو عالم ہیں ادیب ان کا کرم ہے صحرا میں ا گر پھول کھلائیں تو عجب کیا