Sultan e Haya Jamia Quran
Hafiz Muhammad Abu Bakar Tabassum
سلطانِ حیاء جامعِ قرآن کی باتیں ہم کیوں نہ کریں حضرتِ عثمان کی باتیں
مریم کے اُسی نوری بشر کو بھی سنا دو دو نور سمیٹے ہوئے انسان کی باتیں
عنوان مجالس کا حیاؤں کو بنا کر قدسی بھی کیا کرتے ہیں عثمان کی باتیں
Free Up Space - Get Lyrics Without Bulky Screenshots!
مت چھیڑ کسی دشمنِ عثمان کے قصے مت کر مرے آگے کسی بے جان کی باتیں
اُن کا تو فقط رومہ ہی جنت کا سبب ہے ہیں تیرے مرے واسطے میزان کی باتیں
دو ہجرتیں دو نور بھی رضواں کا سبب بھی دکھلاؤ کسی اور میں اِس شان کی باتیں
ہر اک کے مقدر میں کہاں مدحتِ عثمان ایمان کی باتیں ہیں یہ ایمان کی باتیں
عثمان ہے وہ جس کے ہر اک قطرہِ خوں نے قرآن سے کیں لذتِ ایمان کی باتیں
اولادِ علی جس کی محافظ ہو پھر اس کو نقصان نہ دیں گی کسی مروان کی باتیں
دامادِ پیمبر پہ زباں کھولنے والے ایسی تو نہیں ہوتیں مسلمان کی باتیں
چل چھوڑ تبسم کو تبسم کی غزل کو موڑے گا تو کیسے بھلا رحمٰن کی باتیں
