We've added ads to help keep the platform running and improving for you. Learn More
اللہ اللہ کریۓ تے تاں گل بن دی اے کامل مرشد پھڑیۓ تے تاں گل بن دی اے
اللہ ھو دیاں ضرباں لاکے سینے وچ سینہ روشن کریۓ تے تاں گل بن دی اے
دل وچ نقش بٹھا کے سوہنے مرشد دا عشق دا کلمہ پڑھیۓ تے تاں گل بن دی اے
اپنا آپ مٹا کے منۓ مرشد دی مرن توں پہلاں مریۓ تے تاں گل بن دی اے
سر نذرانہ کرکے سر دے سائیں نوں جان تلی تے دھریۓ تے تاں گل بن دی اے
عقل منداں نوں پُٹھیاں سوچاں لے ڈُبیاں مستاں دے سنگ ٹُریۓ تے تاں گل بن دی اے
سَو گلاں دی اکو گل تنویرؔ میاں سّچی توبہ کریۓ تے تاں گل بن دی اے
