Pehle Pehle Toh Woh Matti Main Sulaa Deta Hai

پہلے پہلے تو وہ مٹی میں سُلا دیتا ہے اور پھر آپ ہی مُردے کو جِلا دیتا ہے

کام بِگڑے مِرا اللّٰہ بنا دیتا ہے راہ گُم کردہ کو رستے کا پتا دیتا ہے

پہلے کرتا ہے روانہ کسی بیماری کو اور بیمار کو پھر مولا شِفا دیتا ہے

گلسِتانوں کو کبھی روپ خزاں کا دے کر خوش نما پھول بھی جاڑے میں کِھلا دیتا ہے

بے بصَر کو وہ بصارت کا خزانہ بخشے بے زبانوں کو خدا رزقِ نَوا دیتا ہے

سلسلہ ہاٸے گُنہ پر کرَمِ ناز و نِعَم یہ وہ بخشش ہے جو بندے کو خُدا دیتا ہے

آدمیّت کو شرَف یاب کرے تو ازہر اُمّتی مرسَلِ آخر کا بنا دیتا ہے